Viðburðir

Nýnemavika í ML er ein af skemmtilegustu hefðum skólans og fer fram strax í upphafi skólaárs. Hún er hugsuð til að brjóta ísinn, hjálpa nýnemum að kynnast og gefa öllum tækifæri til að upplifa stemninguna sem einkennir ML. Fyrsta vikan er full plönuð af Nemendafélaginu Mímir og stemmir hún frá mánudags til föstudags. Dagskráin inni heldur allt frá hópaleikjum og boðhlaupum yfir í speed dating til þess að kynnast eldri nemendum og loks nýnema bingó. Svo af sjálfsögðu eru nýnemarnir skírðir ML- ingar á föstudeginum og fer fram nýnemaball um kvöldið. Fyrstu dagarnir í ML verða þannig eitthvað sem enginn gleymir.

Nýnemaballið er haldið að kvöldi til fyrsta föstudags, eftir nýnema skírnina og er því stór lokahnykkur á nýnemavikunni. Þetta er fyrsta ball skólaársins af fjórum sem haldin eru af nemendafélaginu Mímir. Má segja að ballið marki upphafið að félagslífinu í ML og er tilgangurinn einfaldur: að ná öllum saman á dansgólfið, blanda nýnemum og eldri nemendum og hefja árið með góðri stemningu.

ML-tímar eru íþróttatímar fyrir alla nemendur. Mæting er alltaf valfrjáls og eru tímarnir utan skólatíma. Íþróttaformenn skipuleggja tímana og sjá um að halda þá í íþróttahúsinu. Þeir eru klukkutími hver og dagskráin fjölbreytt þannig að allir ættu að geta fundið eitthvað við sitt hæfi. Mánaðarlega eru haldnar keppnir milli bekkja í ýmsum hópíþróttum, t.d. í fótbolta, körfubolta eða bandý.

Draugagangur er hefð sem haldin er þegar fer að líða að hrekkjavöku. Þá er N-stofan breytt í myrkvað bíó, þar sem hryllingsmynd er sýnd á meðan hópar nemenda skiptast á að ganga um skólann í niðamyrkri. Um skólann leynast meðlimir nemendafélagsins Mímir klædd upp í ýmis óhugnanleg gervi, tilbúið að bregða og hræða.

Kareóki keppnin Kleó er haldin á haustönn og er þar mikil gleði og skemmtun. Þar fá nemendur að koma upp og taka lag að eigin vali, má það vera einsöngur eða jafnvel 2-5 saman. Það þarf ekki að vera fullkomnum söng heldur gæti það jafnvel bara verið til gamans. 

Skallinn í ML er drag-keppni haldin á vorönn sem hreinlega rífur upp alla stemningu! Þar klæða þátttekendur sig upp í sína bestu drag útgáfur og keppa í því að vera ekki bara flottir heldur líka með rétta attitjúdið og húmorinn. Skallinn er ekki bara keppni heldur er þetta sýning þar sem allir skemmta sér og hlægja. 

Náttfataballið er annað ball skólaársins og er yfirleitt haldið í miðjum nóvember. Það er einstakt að því leyti að allir mæta í náttfötunum sínum! Klæðnaðurinn getur verið þægilegar náttbuxur, kósígalli eða jafnvel glitrandi náttkjóll. Ballið sameinar afslappaða stemningu og fjöruga dansgleði þar sem enginn tekur sig of hátíðlega. Á náttfataballinu er dreyft rós frá leynivin til leynivins og fá þá nemendur að vita hver hefur verið að gleðja þá út leynivinavikuna.

Framboðsvika og stjórnaskipti nemendafélagsins Mímis fara fram í febrúar en þá bjóða nemendur sig fram til embætta, setja upp áróðsbása og kynna stefnur sínar fyrir samnemendum. Hápunktur vikunnar er Rauðkál, ræðukvöld þar sem frambjóðendur flytja ræðurnar sínar og sýna hvað þeir hafa upp á að bjóða. Næsta dag fer fram kosningin þar sem nemendur kjósa þann sem þau vilja sjá í hverju embætti. Vikunni eftir er síðan haldinn aðalfundur, þar sem niðurstöður kosninga eru kynntar og nýja stjórnin fær formlega titla sína. Gamla stjórnin fer í stjórnaferð í viku til að fagna árangri. Stjórnaskiptin enda svo með stjórnaskiptaballi.

Dagamunur og Dollinn eru haldnir árlega í mars, þá víkur hefðbundið nám fyrir fjölbreyttum námskeiðum, fræðslu og opnu húsi fyrir 10. bekkinga og foreldra. Í lokin fer fram Dollinn sem er litrík og fjörug þrautakeppni þar sem lið takast á í alls konar verkefnum um skólann og loks þrautabraut. Að þessu loknu tekur við árshátíðin, ein glæsilegasta samkoma ársins. Nemendur mæta í sínu fínasta, fá góðan kvöldverð, njóta skemmtiatriða og ljúka kvöldinu á balli með lifandi tónlist og dansi.

Árshátíðin er haldin í mars. Í boði er þriggja rétta máltíð fyrir nemendur og starfsfólk skólans. Árshátíðarformenn ráða veislustjóra og velja þema fyrir árshátíðina. Hver bekkur semur skemmtiatriði sem þau flytja fyrir hina bekkina. Eftir kvöldmatinn er haldið lítið ball.

Vatnsslagurinn er haldinn í lok árs. Skaffaðar eru fötur og HELLINGUR af vatni. Fólk sleppir ekki þurrt úr þessum slag. Svo er bara allt brjálað og vatni skvett út um allt.

​

Snjóstríðið er haldið að vetri til þegar veður leyfir. Fólk klæðir sig upp í hlýjustu fötin sín og halda svo út að kasta snjóboltum í skólafélaga sína. Aftur er það fyrsti bekkur á móti rest.

Í maí fer fram Dimmisjón (Dimmision) í ML þar sem útskriftarnemendur koma saman í stórum og skemmtilegum búningum til að fagna lokum skólagöngu sinnar. Á Dimmisjó er Skræðan borinn fram og fer svo útskriftarhópurinn í hitting með starfsfólk skólans þar sem hópurinn kveðst. Seinna fer fram útskriftin sjálf þar sem fjölskylda og vinir eru boðnir á Laugarvatn til að fylgjast með athöfn útskriftarinnar og er svo loks haldin útskriftarveisla.